wardakprince

د وردګو له کوهسار شم صدقه.ګل یی څه چی له هر خار شم صدقه

عامر خان؛ هندوان په خپل بګوان شکي کړي

Posted by wardakprince on January 14, 2015

احمد شکیب احمدي

Amirkhan

د عامر خان تازه فلم pk په هندي سېنما کې نوی ځای یا ریکار خپل کړ. دا فلم چې د ۲۰۱۴ کال د دسمبر میاشتې پر ۱۹ نېټه بازار ته راووت. دې فلم تر اوسه نژدې سل ملیون امریکایي ډالر لاسته راوړي دي.

د پي کې فلم لارښود او چمتو کوونکی: راج کومار هراني دی.

راج کومار هراني په ۱۹۶۲ کال کې د نومبر میاشتی پر ۲۰ نېټه د هندوستان د ماراشترا ایالت په  ناګپور کې زېږېدلی دی او د هندوستان یو تکړه لیکول او ایډېتور بلل کېږي. د راج کومار تر ټولو مشهورې کیسې، چې په فلمي بڼه یې نړېوال شهرت موندلی، دا دي:
Munna Bhai M.B.B.S (2013)
3 Idiots (2009)
PK (2014)

د پي کې فلم مرکزي لوبغاړی امیر خان دی. نوموړی
د ۱۹۶۵ کال د مارچ میاشتې په ۱۴ نېټه د هندوستان د ممبي په بندرا کې زېږېدلی دی او په بالیووډ سینما کې ځانته لقبونه لري، لکه:

Mr. Perfectionist
Tom Hanks of India
Ace of Bollywood

ښځینه مرکزي لوبغاړې انوشکا شرما:
انوشکا شرما د ۱۹۸۸ کال د می میاشتې په لومړۍ نېټه د هندوستان د بنګلور ایالت په کارنتیکا ښار کې زېږېدلې ده، هغه خپل صفت په دوه جملو کې داسې رالنډوي.
“زه اوبه ډېرې څښم او هڅه کوم چې تل خوشحاله واوسم”

مشهوره فلمونه یې
2008 – Rab Ne Bana Di Jodi
2012- Jap Tak Hai Jaan
2014- PK

کومکي لوبغاړی سنجي دت
سنجي دت د ۱۹۵۹ کال د جولای میاشتې پر ۲۹ نېټه په هندوستان کې زېږېدلی دی. نوموړی په بالیووډ کورنۍ کې دی:

Sanju Baba
Baba
the Nayak of Hindi Cinema
the Arnold Schwarzenegger of India

PK  څه دی؟

د دې فلم کیسه د یوې بلې نړۍ د  موجود یانې (Alien) په اړه ده، چې ځمکې ته د خپل ماموریت لپاره راکوزېزي، او د یوې ټلوېزوني ژورنالېستې سره اشنا کېږي. د  Alienد پوښتنې دومره عجیبې وي، چې د خلکو له خوا د “پي کې” په نامه نومول کېږي. هندیان پي کې هغه چا ته وایې، چې زیاتو شرابو څښلو وروسته ځان نشي کنترولولای.
دا فلم په بشپړه توګه پر مذهبونو او کلتورونو باندې نغوته نیسي. امیر خان په دې فلم کې ښیي، چې مذهبونه دومره همسره توپير نلري، څومره چې انسانانو په خپلو عملونو هغه متغیره کړي دي.

PK  او مذهبي عقیده

PK یا هم له بلې نړۍ راغلی Alien په اسلام نه؛ بلکې په هغه فتواګانو باندې نیوکه کوي چې د اسلام نه وتلې خبرې دي.

لومړی: زیارتونو ته تګ او سجده کول.
په دې فلم کې انځور شوي، چې مقبرو ته تګ او سجده کول بې ګټې کار دی. په اصل کې یې نه اسلام مني او نه هم رېښتیني مسلمانان.

دوهم: په ځينو مراسمو کې ځان وهنه

زمونږ ډېری شعیه مذهبه ورورڼه د امام حسن او امام حسین په ویر کې ځانونه وهي، چې دا هم د دې فلم په اصطلاح (wrong number)  یانې غلط کار دی.

درېیم: د مېرمنو د زده کړې مخنیوی

په دې فلم کې یوه مسلمانه نجلۍ ښودل شوې چې په اسلام کې د بې ځایه فتواګانو خبره په (wrong number) بیانوي.
نجلۍ وایي: زما تر شا ولاړې ټولې نجونې غواړي ښوونځي ته لاړې شي، خو کوم چا فتوا راویستې، که چېري کومه نجلۍ ښوونځي ته لاړه شی نو په مرمۍ یې ووژنئ.

زموږ خدای (ج) دومره هم کوچنې ندی، چې د دې ماشومانو په لوست او زده کړه دې نیوکه وکړی دا غلطه خبره ده.
په دی فلم کېAlien اسلامې عقیده لري غواړی چې خلک یوازې د یو خدای ج عبادت وکړی هغه خدای چې موږ یی پيدا کړی یو.

هندویزم، عیسویت، سیکیزم، بودایزم

په دې فلم کې، تر ټولو ډېرې نیوکې پر هغو مذهبونو شوې دي، چې مجسمو ته عبادت کوي او پر هغوۍ اېمان لري. له بلې نړۍ راغلی موجود Alien د یو مجسمه خرڅوونکې سره په فلم کې داسې خبرې کوي.
الین: یو بګوان (مجسمه) خو راکه وروره!
دوکاندار: کومه یوه … د شلو روپیو واله … د پنځوسو واله … که د سلو او یا هم پنځه سوو؟
الین: د شل روپیو او پنځو روپیو والا په منځ کې توپېر څه دی؟
خرڅوونکی: توپېر یې یوازې په اندازه کې دی، خټه یی سره یوه ده.
الین: د شل روپيو وال خو کار سم کوي، کنه؟
خرڅوونکی: خیر ځه ته پنځلس روپۍ راکه … ۱۵ … ۱۵
الین: بګوانه زه ډېر وږی شوی یم، ما ته د خوراک لپاره یو څه راکړه.
په دې وخت کې تصادفی یوه، مېرمن د الین په لاس کې سمبوسه ږدي او الین په خوشحالۍ سره چیغی وهي. خو کله چې د دې مجسمی نه د خپل رېمووټ د پېدا کېدو هیله کوي نو؛ لاس یې همداسې تش پاتې کېږي او بېرته مجسمه خرڅوونکي پسې ورځي.
الین: وروره! د دې بګوان بېټرۍ ختمه شوه، که څنګه؟ یو سوال یې راته ومنه نور ختم شو؟!
خرڅوونکی: یانې څه؟
الین: یانې، نوې بېټرۍ  ورته واچوه، چیرته اچوې کېږي؟
خرڅوونکی: اوهو؛ وروره دا بېټرۍ مېټرۍ نه خوري.
الین: نو ولی کار نه کوی؟ ایا دا بدل دی که څنګه؟
خرڅوونکی: اوهو وروره مونږ بدل شیان نه جوړو، ما دا د اصلو موادو جوړ کړی.
الین: دا بګوان تا جوړ کړی دی؟
خرڅوونکی: بلی هو، ما په خپلو لاسو جوړ کړی.
الین: تا بګوان جوړ کړی دی، که ته هغه جوړ کړی یې؟
خرڅوونکی: وروره مونږ ټول هغه پیدا کړی یو، خو؛ مونږ یوازی د بګوان دا مجسمی جوړي کړې دي.
الین: د خدای مجسمی مو؛ ولې جوړې کړې؟
خرڅوونکی: تر څو، چې ورته عبادت وشو کولای، خپل غم او ښادۍ ورته بیان کړو.
الین: په دې کې مو کوم ترانسمېټر کارولی که څنګه؟ له دې نه خدای ته خبرې څنګه رسېږي؟
خرڅوونکی: بګوان د خبرو د اورېدو لپاره ترانسمیټر ته اړتیا نلري، هغه ستا خبرې پرته له دې شیانو اورېدلای شي.
الین: کله مې، چې خبره پرته له دې شیانو اورېدلای شي نو؛ دې مجسمو ته څه اړتیا ده؟
خرڅوونکی: اووو خدایه… زما کاروبار خرابوې که څنګه؟ ستا ستونزه څه ده؟
الین: اوهووو؛ وروره زما رېموټ ورک شوی دی او زه یې له بګوان نه غواړم، خو؛ بګوان راته نه وایي، چې چېرته دی؟
خرڅوونکی: تا څښلي دي، که څنګه؟

دا د هغه لسګونو صحنو او پوښتنو څخه یوه صحنه او څو پوښتنی وې، چې pk یې په دې فلم کې له خلکو کوي خو؛ د دې پوښتنو ځواب یوازی یو شی وي(
څکلی دې دي که څنګه؟(.
د pk فلم یوازنۍ موخه د رېښتیني خدای پیدا کول او هغه ته عبادت کول دی. دا موجود د فلم په وروستۍ صحنه کې، کله چې د هندوانو یو مذهبی مشر سره مرکه کوي نو؛ خپلی خبرې داسې راټولوي:

الین: په کوم خدای باندې اېمان راوړم؟ تاسو وایاست چې خدای یو دی، زه وایم نه دوه خدایان دي. یو هغه خدای دی، چې مونږ یې پیدا کړي یو او بل هغه خدای دی، چې تاسو جوړ کړی دی. هغه خدای چې مونږ ټول یې پيدا کړی یو؛ تاسو یې په اړه هیڅ معلومات نلرئ، خو؛ کوم خدای چې تاسو په خپلو لاسو جوړ کړی هغه بیخی ستاسو په څېر دی.  دروغجن؛ چې وینی مو څښي، راسره د دروغو ژمنې کوي، د بډایه خلکو سوال ژر قبلوي خو؛ غرېبان ځان ته کتار دروي. په خپل صفت نه خوشحالېږی خو؛ که پوښتنه ترې وکړې نو؛ بیا دې ډاروي. زما کرښه ډېره اسانه او ساده ده، کوم خدای چې مونږ ټول یې پيدا کړي یو؛ په هغه باندی مو ایمان راوړی دی، او کوم خدای چې تاسو جوړ کړی دی، هغه بدل خدای دی، او هغه په ځمکه وغورځوئ!.

ویل کېږي. د پي کې فلم له کتلو وروسته ټول باطل پرسته مذهبیان خلک چې مجسمو ته یې عبادت کاو، په خپل دین شکمن شوي دي. او په دې فلم کې دا هم ویل شوي، چې یو رېښتینی مسلمان تل په خپلی ژمنې باندې ولاړ انسان دی.

Posted in naeem wardak | Leave a Comment »

http://ow.ly/d/1uIf ACI Codes for all en

Posted by wardakprince on September 8, 2013

http://ow.ly/d/1uIf ACI Codes for all engineers, if you liked it I’ll attach more manuals too

thanks
Engineer Mohammad Naeem Wardak

Posted in naeem wardak | Leave a Comment »

دیپلوماسي وکړه ، نه جنګ

Posted by wardakprince on January 26, 2013

دیپلوماسي وکړه ، نه جنګ !

ژباړن : نثار احمد صمد

Larawbar.com  2012-12-03

لیکوال : اریک مارګولیس
منبع : کمن ډریمز ( امریکا )
نېټه : ۲۰۱۲/۱۲/۱
ژباړن : نثار احمد صمد

نیویارک ـ د نولسمی پیړۍ یو خبیث او بد بینه امریکایی ( امبروز پایرز ) په
خپل اثر « شیطانی قاموس » کی دیپلوماسي « د خپل هیواد لپاره د درواغو
وطنپرستانه هنر » بللی دی .

دا بالکل صحیح تعریف دی . خو بل تعریف یې دا دی چی دیپلوماسي هغه ښکلی فن
دی چی هدف ته ځان بېله جګړې څخه ورسوي ، او خلک په دې معتقد کړی چی هغه څه
چی موږ یې درسره کوو ستاسو په ګټه دي .

زه د دیپلوماسۍ هنر ته ډیر اهمیت ورکوم ، ځکه هغه د یو پرمختللي خوی او
کړنی څرګنده نښه ده . څلور لسیزی وړاندی زه هم د امریکا په دیپلوماتیکه
څانګه کی شامل سوم ، خو ځکه یې بیرته پر خلاف سوم چی مبادا خپلی ژبی کوم
ژور څاه ته نه وای غورځوی .

زه تقریبأ د یو دیپلومات او په بهرنیو چارو کی د مجربو پوځیانو د یو مبصر
په توګه دا وینم چی جمهوریت غوښتونکو په ملګرو ملتو کی د اوباما د حکومت
سفیره سوسن رایس پسی را اخیستې ده . هغوی غواړی چی په تیر سپټمبر کی په
لیبیا کی د امریکایی سفیر وژنه د همدې رایس سره وتړی ، ځکه هغې ادعا وکړه
چی د سفیر وژنه د مسلمانانو پر ضد د فلم له امله د ډله ییزه تشدد نتیجه وه ،
نه کومه « تروریسټی » حمله .

اوس چی داسی ګنګوسې دي چی ښایی سوسن رایس د هیلری کلنټن پرځای خارجه وزیره
سی ، نو دغه بد ډوله کشمکش نور هم اهمیت وموند . دا هر څه د امریکا د
دیپلوماسۍ ګنګس کونکی نشتوالی ښه راته ثابتوی .

رایس کومه دیپلوماته نه ده . هغې د ملګرو ملتونو د امنیت په شورا کی د
اوباما د حکومت لپاره د یوې داړونکی حیواني رول لوبوی او هلته د عربو او
مسلمانانو پر خلاف توند والی او شدت څرګندوی . رایس یوه نوې محافظه کاره ده
. که هغه دیپلوماته وی ، نو زه بیا کبلیً خان یم [ کبلیً خان د چنګېز لمسی
او د ۱۲۶۰ څخه تر ۱۲۹۶ میلادی پوری د منګولو پنځم لوی واکمن و چی د آرام
سمندرګي څخه تر تورې بحیرې پوری ، د سایبریا څخه تر افغانستان پوری او د
ټول چین په شمول یې پراخه سیمه تر واک لاندی وه ـ ژباړن ] .

په همدې اوونۍ کی د ملګرو ملتونو د عمومی غونډی پر مهال چی بالاخره یې شپږ
ملیونو فلسطینیانو ته هلته د کتونکې څوکۍ ورکړه ، نو سوسن رایس پر
فلسطینیانو راوغورځېده او ملنډی یې په ووهلې . کاناډا هم د هغې پر خوا سوه
چی ښیً لاسیً حکومت یې د اسراییلو د لیکود ګوند سره مینه او محبت کوی .

خارجه وزیره هیلری کلنټن یوه بېچاره او بې وسه خارجه وزیره ده چی د یوې
دیپلوماتې پر ځای د سپینی ماڼۍ لپاره مجبورتي سفرونه کوی . هغې ته ځکه دا
وظیفه ورکول سوې ده چی د ولسمشرۍ لپاره یې د ځان نوموَنه وبایلله او دغه
مقام د تسلۍ لپاره ورکړه سو . هغې په دغه دفتر او دنده کی د امریکا هیڅ
قضیې ته هم پرمختګ نه دی ورکړی . نو ځکه سپینه ماڼۍ غواړی چی د هغې پر ځای
بل څوک یعنی سوسن رایس وټاکی ، خو هغه تر دې لا هم بې کفایته ده .

د ۲۰۰۱ راهیسی د نورو هیوادو سره د امریکا د اړیکو تر ټولو مهمه برخه د
خارجه وزارت لخوا نه ، بلکی د پنتاګون لخوا پر مخ وړل کیږی . سپینی ماڼۍ او
« سي آی اې » د خارجه وزارت څخه نور مسؤلیتونه هم اخیستی دي .

د امریکا بهرنۍ تګلاره نور نو پوځي سوې ده . حقیقت خو دا دی چی د امریکا
پوځی جوړښتون نن د نړۍ په ډیرو برخو خصوصأ منځني ختیځ ، جنوبی آسیا ، او په
زیاتېدونکې توګه په افریقا او شمالی پاسفیک کی اساسی رول لوبوی .

د امریکا شپږو پوځی قوماندانیو نړۍ خپل تر منځو سره وېشلې ده : د امریکا «
سینټ کام ـ یعنی مرکزی قومانداني » ټول منځنی ختیځ او جنوبی آسیا تر نظر
لاندی لری او په افغانستان او یمن کی جنګونه پر مخ بیایی . تر ټولو پخوانۍ
قومانداني ، « پی کام » د آرام سمندر ټوله سیمه تر څارنی لاندی لری او د
جنوبی آسیا وچه هم کنټرولوی . « ساوت کام ـ یعنی جنوبی قومانداني » لاتینه
امریکا تر کنټرول لاندی لری . « یو کام ـ یعنی اروپایی قومانداني » اروپا
او روسیه څاری او باالاخره « نارت کام ـ یعنی شمالی قومانداني » ټوله شمالی
امریکا تر نظر او کنټرول لاندی لری .

دغه مختلفی قوماندانۍ هره یوه په خپله خپله سیمه کی د اړونده منطقو د پوځی
لویو افسرانو سره پټ او ښکاره ارتباطات لری . خو څنګه چی پوځ د افریقا او
آسیا پر ډیرو هیوادو باندی مسلط دی ، نو د هری اړونده سیمی د قوماندانۍ
امریکایی جنرال په هماغه سیمه کی تقریبأ همیشه تر امریکایی سفیر ډیر اهمیت
لری .

د لاتینی امریکې ، منځني ختیځ او افریقایی اکثریت رژیمونو سره د واشنګټن تر
ټولو مهمی اړیکی د پوځی لارو چارو لخوا پر مخ وړل کیږی . د مثال په توګه :
تر همدې وروستیو پوری د جنوبی کوریا پیاوړي پوځي ځواکونه اصلأ د یو
امریکایی جنرال تر قوماندې لاندی وو . د ترکیې او مصر وسلوال ځواکونه په
پنتاګون پوری وصل او مښتي وو . جاپان خو تل داسی دی لکه تر یوې بهرنۍ پوځي
نیونې چی لاندی وی .

د ۲۰۰۱ راهیسی په اصطلاح « د ترور پر ضد جنګ » د امریکا پوځی او استخباراتی
بودجې دوه چنده زیاتی کړې . امریکا ځان په افغانستان ، عراق ، پاکستان ،
سومالیا ، یمن او لیبیا کی په جنګ اخته کړ . دیپلوماسي داسی یوې خوا ته
پوری وهل سوه لکه په بهرنیو چارو کی چی فیل ، قیل سی .

دیموکراتانو د ولسمشرۍ لپاره پخوانی کاندید او د ماساچوسیټ سناتور جان کیري
، چی تر ډیره حده پخوانی د احترام وړ عسکر او د مجربو عسکر پلوﺉ دی ، د
میرمن کلنټن پر ځای غواړی . کیري د امریکا د خارجه وزارت یعنی په هیواد کی د
یو خورا مهم وزارت د خپلولو لپاره تجربه ، جذابیت ، ارزښت او قوت لری .

کیري د بیل کلنټن دیموکرات دی چی ډیر تعلیم یافته ، خبیر او وینا وال دی ؛ یعنی هغسی انسان چی د درنښت او توجه وړ به وی .

تر ټولو مهمه لا دا چی کیري کولای سی د امریکا بهرنۍ تګلاره داسی ښه ترا
مخته یوسی چی هغه به د کورنیو تبلیغ ډلو او کوچنیو ګټو والاوو تر تسلط
لاندی نه وی . پای

Posted in naeem wardak | Leave a Comment »

افغانستان ته سوله څنګه راتلای شی؟

Posted by wardakprince on January 26, 2013

افغانستان ته سوله څنګه راتلای شی؟

نثار احمد عليزی

Larawbar.com  2012-12-03

په
افغانستان کی د سولی په ټینګښت کی د پاکستان، ایران، روسیه، چین او
هندوستان هیوادونو رول ډیر مهم بریښی چی په لاندی ډول د دوی په کردارو یو
څه رڼا اچوم.
سره له دی چی پاکستان په دی ویره کی دی چی په افغانستان کی سوله او بیا
پرمختګ دوی ته به په لنډ مهال کی یوڅه اقتصادی تاوان ورسوی او ددوی د بی
کیفیته توکو مارکیت او بازار به مات شی او ځینی سیاسی ناندری به وپاریږی خو
بیا هم نن چی له خپل لمنه اور اخیستی دغی حقیقت ته غاړه ایښی او په
افغانستان کی سوله ورته ضروری ښکاری خو لکه څنګه چی خپل اعتماد یی د
افغانانو په مقابل کی له لاسه ورکړی نو بیا ډیری د دوی دغه هلو ځلو ته هم د
شک په سترګه ګوری له بله پلوه د بلوچستان آزادی غوښتونکی او پښتونستان له
ویری ځان یو څه په خطر کی وینی، دوی د بنیادګرانو په نوم ټولګی روزی او
کوښښ کوی چی دوی قدرت ته ورسیږی تر څو ددوی له لاری په حکومت کی برلاسی
اوسی.
ایران هم په خپل وار د وران کاریو دریځ ته له هر اړخه پراختیا ورکوی، هغه
هم لکه پاکستان نه غواړی چی افغانستان په خپلو پښو ودریږی، هغوی ته به د
بازارونو او مارکیټونو د صادراتو د کمیدو تر څنګ ځینی حقوقی خبری راپورته
شی د آمو د سیند رغیدل به دوی ته غټ زیان وی او دسلما د بریښنا بند چی د ۶۲
میګاواټو بریښنا د تولیدلو توان لری په ځلونو ځلونو یی کار شروع شوی خو
بیا هم ددغه هیواد او ددوی د مزدورو افغانی چارواکو له خوا بیرته په یو ډول
نه یو ډول سره درول شوی او حتی انجینیران او کارکوونکی یی وژل شوی دی.
چین هم زمونږ د هیواد په ورانولو کی بی غرضه پاتی نه دی، دوی د یوغوریانو
بیلتون غوښتونکی او اسلامی بنیادګرانو له ویری او د دوی له هری مخالفی ډلی
سره وخت په وخت د وسلو مرستی کړی او بیا دی ته متوجه دی که چیری یوه
دیموکراته او باثباته افغان حکومت رامنځته شی نو ځان ته په افغانستان کی د
زیرمو په کیندنو کی د غټی برخی غوښتونکی هم دی، لکه اوس مهال چی د آمو د
تیلو د زیرمی یوه برخه او د مس عینک کان یی تر لاسه کړی دی.

روسیه چی له اوله په افغانستان کی غربی فعالیتونو مخالفت کاوواو حفیظ الله
امین د وخت جمهور ریس یی چی د امریکی سره یو څه لیوالتیا په ښودلو له منځه
یوړه نه غواړی چی له خپل نورو سیالانو وروسته پاتی شی، په افغانستان کی
اداری تشی یا خلا دوی ته دا چانس برابر کړی چی یو ځل بیا خپل لاس پوڅی
ګوډاګیان (خلق، پرچم او شمالی ټلوالی) لا ځواکمن او د اوسنی حکومتی نظام په
مقابل کی قوی کړی او هم لکه د ۲۰۱۱ز کال په شان د طالبانو په ځپلو کی له
دوی خاصتا شمالی ټلوالی سره هر راز نظامی او اقتصادی مرستی وکړی، روسیه دا
ویره هم لری که چیری د ۲۰۱۴ کال څخه وروسته نړیوالو له افغانستان څخه خپلی
ښپی سپکی کړی او دا هیواد یو ځل بیا د طالبانو تر ولکی راشی نو دوی به په
قفقاز او په نورو منځنی اسیا هیوادونو کی د اسلام پالو د خطری سره مخامخ
شی.
د هند هیواد لاس وهنه که په مستقیمه ډول زمونږ د هیواد په ناورین کی نه
ښکاری خو د پاکستان سره ددی هیواد ښکر جنګول په یو ډول دی جنګ کی شرکت کول
دی، اوس هم که چیری د پاکستان وعدی سرچپه شی او کړی وعدو خلاف عمل وکړی نو
لیری نه ده چی هند د افغانستان د داخلی جنګونو په پارولو کی لویه ونډه
واخلی ترڅو د پاکستان له اغیزی مخنیوی وکړی له بله پلوه د هند هیواد اوسنی
د مرستو او پانګی اچونی د ګراف جګوالی د پاکستان سره د دښمنی په لحاظ لیدل
کیږی ځکه هند غواړی چی په هر ډول کیږی خپل شتون او اغیزه نسبت پاکستان ته
په افغانستان کی زیاته او حتمی کړی، چی بیلګه یی د سلما بند رغول دی چی
څومره هم دوی ته مالی او ځانی زیان رسیږی بیا هم د خپل پروژی په مخ ته وړلو
کی لا ټینګیږی.

له بله پلوه دننه په هیواد کی زمونږ په هیواد مین پخوانی جنګسالاران د خپل
پایښت لپاره له هغو تورنو کسانو سره چی د افغانانو په وینو لاسونه یی ککړ
دی یو ځل بیا په ډیره بی سترګی سره د مجاهدینو د شورا په نوم د ډلګیو په
جوړلو لګیا دی، زه تورن صیب او محمدی صیب یادوم، د پاکستان او ايران په
اشارو داساسي قانون اوانتخاباتودقانون خلاف تر وخت دمخه پرخپل سر دخپلي
خوښي کانديد لپاره چي اوس ئي نوم دبادار دهدايت له مخې نه شی يادولای
تبليغ کوي او هم روزل شوی مزدورو کسانو څخه دجهادي شوراپه نوم ډله جوړوي
تورن صیب ناری او سوری یی آسمان ته خیژی چی مجاهد ته رایه ورکړی، په خدای
می دی قسم وی یو باتور مجاهد چی فی سبیل الله جهاد کړی، لاسونه یی د ولس په
وینو رنګ نه دی او نه ولس او بیت المال یی لوټلی، نه بنګله او نه د یخو او
ګرمو موټر لری که ځان کاندید کړی نو کله به هم تورن صیب ورپسی ونه دریږی
خو په دی ټول پوهیږو چی ددی څخه یی مطلب څوک دی. په ځای ددی چی تورن صیب یو
ابتکار یی کړای وای، د ملی یووالی ترنامه یو پروګرام یی جوړ کړای وای او
ټول افغان ولس یی په یووالی رابللی وای نو د مجاهد او غیرمجاهد په نوم بیا
افغانستان سره ویشی او د جنګونو لپاره لاره هواروی. دوی کله هم دی هیواد او
دی مظلوم ولس ته د خدمت جوګه نه دی او نه هم دا هوډ لری ترڅو دی ځوریدلی
او کړیدلی ولس ته خدمت وکړی، داسی شوراګانی مو ډیری وازمویلی او د هری یوی
پایله د بدبختیو او ناروینونو ډکه وه، اوس چی یو نسبی حکومت رامنځته شوی
ولی خپل اردو او پولیس نه تقویه کوی چی نوی ډلی ټپلی رامنځته کوی؟
امرالله صالح، عبدالله عبدالله، محقق، عطا نور، او په ښکته کچه قوماندانان
لکه الماس ،امان الله ګذر او جنرال جرات او دوی پوری نورو تړلو داړه مارانو
د ډلو او شخصی نظامی ګروپونو په جوړلو کی مصروفه دی، دوی د کاپیسا، پروان
او کابل ځینی برخو کی خلک هڅوی چی ګواکی د ۲۰۱۴ز کال څخه وروسته بیا طالبان
حکومت نیسی او دوی باید له دغی ټلوالی سره یوځای شی، همدا ډول د ځینو
سرچینو د خبر په اساس د هلمند د موسی کلا خلکو ته د امان الله ګذر قوماندان
بیا د مسلح کیدو بلنه ورکړی، خو دا هغه ازمویل شوی خلک دی چی کله هم دی
ولس ته د خدمت کولو هوډ نه لری، په دری ژبه کی یو متل دی چی وایی (ازموده
را ازموده خطا است) نو دوی چی په ژبنی، سمتی او توکمنی مرض اخته او ددی
کمپاین چلوونکی دی څنګه به وکړای شی چی دی هیواد او دی ولس ته وفاداره
اوسی؟
په آخره کی ټول افغان ولس ته می دا پیغام دی هیڅکله ددی مکارو او خونخوارو
په خبرو ونه غولیږی هغه کس غوره کړی ترڅو دا هیواد او دغه مظلوم ولس له
ډوبلو وژغوری ددوی لاسونه نور لنډ کړی او خپل ماشومان د یو رڼی سبا په لور
تعلیم او تربیه کړی.
والسلام

Posted in naeem wardak | Leave a Comment »

ولې ګواښل کيږو؟

Posted by wardakprince on January 15, 2013

ولې ګواښل کيږو؟

رفيع الله زيار
Larawbar.com  2013-01-12

د افغانستان ګاونډيان، او نور هغه هېوادونه، چې زموږ په هېواد کې يې ګټې خوندي دي، له بېلابېلو لارو پر افغان دولت فشار راوړي، تر څو د دوى هر ډول نا مشروع غوښتنې ومني او توافق ورسره وکړي.

افغانستان د اسيا په زړه کې هغه پروت هېواد دى، چې له ستراتيژيکي پلوه د نړۍ زبر ځواکونو ته ډېر مهم دى او که موږ ددې هېواد د تاريخ پاڼې ولولو، نو دا راته په ډاګه کوي، چې زموږ دښمن هڅه کړې، تر څو دا هېواد ( که د زور له لارې وي او که په رضا ) خو چې دوى خپل کنترول پرې ولري او خپلو شومو هدفونو ته په کې لار پرانيستي وساتي.خو د شکر ځاى دى، چې تر اوسه پورې هر زبر ځواک د باغيرته او با شهامته افغان ولس له سخت غبرګون سره نه يوازې مخامخ شوى دى، بلکې داسې شرموونکې ماتې يې ورکړې، چې پر حقيقت يې د دوى دوراغجن تاريخونه هم سترګې نه شي پټولى.

پر دې پاکه او سپېڅلي خاوره يوازې چنګېز، سکندر مقدوني او اورنګزېب نه وو، چې بې شمېره ظلمونه يې وکړل او دلته يې د زياتو افغانانو وينې وبهولې، بلکې د وخت هر سکندر، اورنګزېب او چنګېز ته، چې موقع په لاس ورغلي، نو پر افغانانو يې د هېڅ ډول ظلم صرفه نه ده کړي او نه يې په دې برخه کې زړه پرې سوزولى دى. خو که هر دښمن پر موږ ظلم کړى، نو دوى هم د خپل ظلم ثمره له ځانه سره وړي ده.

موږ اوس هم د تاريخي دښمنانو د ناوړه تبليغاتو سره مخامخ يو او دوى په ټوله نړۍ کې موږ د جنګياليو او تيري کوونکو په نوم معرفي کوي، چې ګواکي افغانان پر نورو قومونو او ملتونو د زور لارې د پاچاهۍ کول غواړي، خو که موږ تاريخ ته وګورو، نو له انګرېزانو او مغلو رانيولي بيا تر روسانو او نورو قوتونو پورې ټولو پر موږ تېرى کړى او موږ يې دې ته مجبور کړي يو، چې تر خپل ځاى پورې يې شرموونکي او بدنام وليږو.

د افغانستان په لنډ تاريخ کې راځي، چې (( کله د محمود غزنوي پلار سبکتګين د غزني واکمن وو، نو جيه پاله، چې د برتنوي هند او اوسني پاکستان يو ظالم حکمران وو او دى راغى د غزني په شاوخوا سيمو کې يې له سبکتګين سره جګړه وکړه، خو له لږ جګړې کولو وروسته شرمېدلى لاړ او وتښتېده.

دغه تور مخى، چې کله خپل ځاى ته ورسېده، نو له هغې خوا يي بېرته د قنوج، ډهلي، اجمير او کالنجر راجاګان سره يو ځاى کړل او يو لک پوځ سره بېرته افغانستان ته را روان شو، له خيبره راتېر او د کابل سيند پر غاړه لغمان ته راورسېده.

سبکتګين له هغه سره ډېره زوروره جګړه وکړه، په زرګونو سرتيري يې ځينې ووژل او بالاخره يې تر اوسني پېښوره پسې واخيست )).

پر افغانستان د ډېرو دښمنانو داسې تيري شته، چې د تاريخ پاڼې پرې ډکې دي او تر اوسه هم افغانانو خپل همت له لاسه نه دى ورکړى او په دې وروستيو کې يې د روس په څېر زبر ځواک هم د خاورو سره خاورې کړ، چې تر ډېره به ددې خاورې دښمنانو ته د عبرت په توګه پاتې وي.

خو کله چې روس ووت، نو له هغې وروسته زموږ هغه ګاونډي هېوادونه، چې ځانونه د اسلام ټکه داران بولي، په افغانستان کې داسې جنايتونه وکړل، چې له سکندر مقدوني، چنګېز، اورنګزېب او نورو تيري کوونکو څخه، چې زيات نه وي، کم نه دي. دوى دلته زموږ په هېواد کې د جنګياليو ډلې جوړې او په خپلو منځونو کې يې په جنګ سره واچولې، چې په ترڅ کې يې په لکونو افغانان شهيدان او په ميليونونو نور يې معيوب شول. زموږ ملي شتمنۍ يې لوټ کړې او زموږ هغه هېواد، چې په ټوله نړۍ کې يې اسېدونکې بااعتباره خلک وو، نن د مافيا په مرکز بدل کړ.

خو لا يې اوس هم زړونه يخ شوي نه دي، ځکه پخوا به يې زموږ د وژنې او رټنې لپاره پټې دسيسې جوړولې، نو نن په ښکاره زموږ د هېواد په کورنيو چارو کې لاسوهنه کوي او اخطارونه ورکوي، چې له پلاني او پلاني هېواد سره ستراتيژيک تړون د لاسليکېدو مخه ونيسي کنه وروسته به مو حال خراب وي. همدارنګه دغه د افغانستان دښمنانو د تېرو سندونو په توصيب کې د ولسي جرګې يو شمېر غړو ته د پيسو ورکولو هڅه کړې وه، تر څو د تړون د تصويب په وخت کې د ولسي جرګې په تلار کې خاضر نه شي، خو په ولسي جرګه کې هغه څوک ناست دي، چې پر ولس يې زړه درد کوي، نو ځکه يې ګاونډيانو ته په ډاګه کړه، چې ټول افغان يو دى او يو به وي.

دغه تاريخي دښمنان نور داسې کارونه د استخباراتو په مټ په پټه تر سره کوي، چې هغه د افغانانو فرهنګ، کلتور او وقار له منځه وړي او ډېر په زيان ورته تماميږي.

داد اسلام ټيکه داران موږ ته په داسې حال کې لارې راښايي، چې دا اورپرست زموږ د پلرونو او نيکونو په لاس د اسلام په سپېڅلي او مبارک دين مشرف شوي او موږ دوى ته د اسلام لار ورښودلي ده.

څو ورځې وړاندې ولسمشر کرزي د يوه ټيم سره امريکا متحده ايالتونو ته يو ځل بيا په همدې موخه سفر وکړ، تر څو د خپل هېواد په ګټه معامله وکړي او ډېرو کارپوهانو د کرزي دا سفر د افغانستان لپاره برخليک ټاکونکى بللى دى.

د ولسمشر کرزي د سفر موخه د افغان امنيتي ځواکونو تجهيز، د امنيتي مسووليتونو د انتقال څرنګوالي، د سولې روانې هلې ځلې، امنيتي سند او په افغانستان کې د نورو سياسي، امنيتي او اقتصادي مسايل دي.

ويل کيږي، چې د ولسمشر کرزي او دده سيال بارک اوباما تر منځ به خبرې اترې له (۲۰۱۴) نه وروسته تر (۲۰۲۵) ميلادي کاله پورې چې د تحول د دورې په نوم ياديږي د نړېوالو د اقتصادي مرستو، د دې مرستو د لګولو څرنګوالي، په افغانستان کې د زيربناوو جوړول او له ملي ستراتيژۍ سره سم لومړيتوبونو ته پام کولو په اړه وي.

خو کله چې افغان ولسمشر واشنګټن ته په سفر روان شو، نو اول د بارک اوباما امنيتي مشاور وويل، چې موږ له (٢٠١٤) کال وروسته په افغانستان کې کېداى شي يو سر تېرى هم پرېنږدو. دده دا څرګندونې پر افغان دولت د فشار راوړلو لپاره وې، تر څو افغان دولت تر فشار لاندې راولي او په سند کې هغه څه ورباندې ومني، چې له ډېرې مودې راهيسې د ولسمشر کرزي او امريکا متحده ايالتونو تر منځ پرې يو پټ جنجال و.

همداشان د کزري د سفر سره سم وسله والو طالبانو يوه اعلاميه خپره کړه، چې په کې ويلې يې وو:(( که چېرې له (٢٠١٤) ميلادي کال وروسته په هېواد کې يو بهرنى سرتېرى هم پاتې شي، نو دوى به يې پر وړاندې جګړه پراخه کړي.))

په همدې وخت ايران افغان پولې يعنې نيمروز ولايت ته نژدې د افغان سوداګرو او موټر چلوونکو په زرګونه موټر درولي او اجازه نه ورکوي، چې د ننه زموږ خاورې ته داخل شي.

که امريکا دا خبره کوي، چې افغانستان به يوازې پرېږدي، نو د منطق له پلوه د منلو وړ نه ده، ځکه امريکا له لسګونو کلونو راپدېخوا ميليونونه ډالر لګوي. دلته يې له دوو زرو زيات سر تيري وژل شوې او لا هم د افغان دولت سره هر ډول مرستې پر مخ وړي. دا ټول ددې لپاره، چې دا هېواد په زياتو برخو کې يوه مهمه ستراتيژيکه نقطه ده، کانونه او زيرمې يې خوندي پاتې دي. له همدې امله امريکا او متحدين يې نه غواړي، تر څو دا سيمه پرېږدي او که پرېږدي يې، نو دا به د ماتې په معنا وي.

افغانان لکه څه ډول چې د نړۍ په تاريخ کې سر لوړي اوسېدلي دي، بايد همداسې سر لوړي وا وسيږي او همداسې د غيرت تر هسک چتر لاندې خپل ژوند ته دوام ورکړي، تر څو د تل لپاره يې دښمن نابود او همداسې شرمېدلى وي، لکه تر اوسه چې تور مخى دى.

Posted in naeem wardak | Tagged: | Leave a Comment »

 
%d bloggers like this: